PSV有可能从此玩完

2019-12-22  阅读 660 次

PSV有可能从此玩完 PSVita月头先出新色,估唔到咁快传出负面消息。

传闻Sony总裁已经宣布唔会再为PSVita开发新作品,如果消息属实,咁PSV前景就更为不乐观嘞!其实手提机市场,近年都受手机影响变到大不如前,相信都唔驶多解释,Sony嘅PS4气势咁强,全力谷起再抛开比数的确先係上策,毕竟手提机市场对手係任天堂呢个大佬,难打!可能你会问土下座,点解手机大势,任天堂又可以凭3DS企硬市场,仲大幅度抛离对手?原因係任天堂向来玩软、硬体相辅相成,而且将旗下游戏品牌揸得好紧,你要玩《宠物小精灵》只能买3DS,而且咪以前任天堂只识食老本,佢地刚刚先成功申请新专利:只要你带3DS到某个地点,先会产生某啲剧情,若然附近有几部3DS,连线之后剧情亦会因此产生变化。当间间厂都强调Online平台对战有几方便,任天堂反而想你唔方便。呢个专利明显係叫大家唔好做宅男,就算打机都要出街同其他人交流,老实讲土下座几buy,任天堂谂法始终係唔简单。

上一篇:
下一篇: